මාතර නගරය මූලික කර ගනිමින් ප්‍රධාන වැඩසටහන තොටමුණ නිල්වලා ගං මෝය අසළ දී 23 වැනිදා පෙ.ව. 8.00 ට දිස්ත්‍රික්කයේ දේශපාලන අධිකාරිය, මාතර දිස්ත්‍රික් ලේකම් ඊ.ඒ.සී. විදානගමාච්චි මහත්මිය ප්‍රධාන රාජ්‍ය නිලධාරීන්, පාසල් සිසුන්, ධීවර සංවිධාන හා සිවිල් සංවිධාන එකමුතුවෙන් පැවැත්වීමට කටයුතු යොදා ඇත.
මාතර දිස්ත්‍රික්කයේ වෙරළ තීරය කිලෝමීටර් 55 කි. එයින් කිලෝමීටර් 07 ක් පවිත්‍ර කිරීම මෙහි දී සිදු කෙරේ. නිල්වැල්ල ධීවර වරාය, සුදු වැල්ල ධීවර වරාය, දික්වැල්ල නගර ආශ්‍රිත වෙරළ තීරය, ගන්දර ඔරුවැල්ල ධීවර වරාය, කිරළ වැල්ල නැංගුරම්පළ, පුරාණ වැල්ල ධීවර වරාය, මාතර නගරය ආශ්‍රිත මූදු තීරය,තොටමුණ මෝය කට අසළ මූදු තීරය, මිරිස්ස ධීවර වරාය, පැළෑන වෙරළ තීරය හා කප්පරතොට ඔරැවැල්ල මුල් කරගෙන වෙරළ පවිත්‍රතා වැඩසටහන ක්‍රියාවට නැංවේ.
සෑම වසරකම සැප්.03 වන දිනට යෙදෙන ජාත්‍යන්තර වෙරළ පවිත්‍රතා දිනයට සමගාමී ශ්‍රි ලංකාවේ වෙරළ තීරය පිරිසිදු කිරීම පසුගිය 19 වැනි දි සිට දීප ව්‍යාප්ත වැඩ සටහනක් වශයෙන් ක්‍රියාත්මක කිරිමට සමුද්‍රීය පරිසර අධිකාරිය කටයුතු කරන ලදි.
AP/DMU-Matara
