උසස් අධ්‍යාපන හා පර්යේෂණ අමාත්‍යාංශයට අනුබද්ධ ආයතනයක් වන ශ්‍රී ලංකා ග්‍රහලෝකාගාරය අලුත්වැඩියා කටයුතු වෙනුවෙන් ඉදිරි දින 11ක කාලයක් එනම්, ලබන 25 සිට සැප්තැම්බර් 04 දින දක්වා වසා තබන බැවින් නැරඹුම් දර්ශන තාවකාලිකව අත්හිටුවන බව නිවේදනය කරයි.
විද්‍යාව හා තාක්ෂණය ප්‍රචලිත කිරීමත් පාසල් දරු දැරියන්ගේ විද්‍යා දැනුම ප්‍රවර්ධනය කිරීමත් උදෙසා කටයුතු කරන ශ්‍රී ලංකා ග්‍රහලෝකාගාරය අලුත්වැඩියා කටයුතු වෙනුවෙන් වසා තැබීමෙන් සිදුවන අපහසුතාව පිළිබඳව කණගාටුව පළකරන අතර කඩිනමින් අලුත්වැඩියා කටයුතු නිමකොට නැරඹුම් දර්ශන සඳහා නැවත සැප්තැම්බර් 05 වන දින විවෘත කරන බව එම නිවේදනයේ වැඩිදුරටත් සඳහන් වේ.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
