ඒ මහතා මෙසේ අදහස් දැක්වුයේ ඇදුම රෝගය සම්බන්ධයෙන් අද සෞඛ්‍ය අධ්‍යාපන කාර්යංශයේ පැවති මාධ්‍ය දැනුවත් කිරීමේ සාකච්ඡාවේදීය.
මෙහිදී විශේෂඥ වෛද්‍ය ඒශාන්ත් පෙරේරා හා කීර්ති ගුණසේකර යන මහත්වරුන් ද මාධ්‍යවේදීන් දැනුවත් කරමින් දේශන පැවැත්විය.
සෑම රෝහලකම ශ්වසන රෝග සදහා සායන පැවැත්වෙන අතර ප්‍රතිකාර ලබා දීම සදහා යටිතල පහසුකම් හා මානව සම්පත සංවර්ධනය කර ඇති බවත්, අවශ්‍ය ගුණාත්මක ඖෂධ ලබා දීමටද කටයුතු කර ඇති බවත් පී.ජී. මහීපාල මහතා
තවදුරටත් පැවසීය.
දරුවන්ගෙන් 30% ක් අකර්මන්‍ය වනුයේ ශ්වසන රෝග වලිනි. මෙය සෞඛ්‍ය ක්ෂේත්‍රයට විශාල අභියෝගයක්. මීට මුහුණ දීම සඳහා අවශ්‍ය සෑම පියවරක්ම ගෙන තිබෙනවා. ඇදුම රෝගයට ප්‍රතිකාර කිරීමේදී අවශ්‍ය වන ඉන්හේලර් නිපදවීමේ ව්‍යාපෘති 2 කට අනුමැතිය දී තිබෙන බවද සෞඛ්‍ය අධ්‍යාපන කාර්යංශයේ අධ්‍යක්ෂ අමල් හර්ෂද සිල්වා මහතා මෙහිදී පැවසීය.
ඇදුම රෝගයට ගොදුරුවන්නන් සම්බන්ධයෙන් කරන ලද සමීක්ෂණ වලදී අවුරුදු 10 -14 ක් අතර දරුවන් හා අවුරුදු 70-80 ත් අතර වැඩිහිටියන් මෙම රෝගයට ගොදුරු වීමේ ප්‍රවණතාවය වැඩි බව හඳුනාගෙන ඇත. මෙම රෝගය සහමුලින්ම සුව කළ නොහැකි වුවද ඉතා හොදින් පාලනය කළ හැක.
දිගින් දිගටම පවතින කැස්ස ශ්වසන රෝගයක හෝ පිලිකා රෝගයෙහි ආරම්භක ලක්ෂණ විය හැකි බැවින් ඒ පිළිබඳ වෛද්‍ය උපදෙස් ලබා ගැනීමෙන් මෙය වළක්වා ගතහැකිවනු ඇත.
AP
