මෙම අවස්ථාව සඳහා භික්ෂූන් වහන්සේලා 250ක් ඇතුළු භික්ෂුනීන් වහන්සේලා 50නමක් ඇතුළුව ආරාධිතයන් 1,000ක් පමණ සහභාගිවීමට නියමිතය. මෙදින මෙම පුණ්‍යානුමෝදනා අවස්ථාවට දිවයිනේ නන් දෙසින් සහභාගිවන සැදැහැති පිරිස් වෙනුවෙන් දන්සැල් ද පැවැත්වීමට කටයුතු යොදා ඇත.
1997 වසරේ දී මෙහි සංරක්ෂණ කටයුතු ආරම්භ කොට ඇති අතර එම කටයුතු අවසන් කිරීම දක්වා මධ්‍යම සංස්කෘතික අරමුදල මගින් රුපියල් මිලියන 519.5ක මුදලක් වැය කොට තිබේ.
පැරණි අනුරාධපුර ඇතුල් නගරයට උත්තර දිශාවෙන් පිහිටා ඇති අභයගිරිය විහාරාරාමයේ ආරම්භය ක්‍රි.පූ. 88 - 77 වළගම්බා රාජ්‍ය සමයේ දී සිදු වූ බව වංශකතා හා ජනශ්‍රැති සාධක මඟින් විද්‍යාමාන වේ. අභයගිරිය චෛත්‍ය රාජයාණන් වහන්සේ පසුකාලයේ දී I වන ගජබාහු (ක්‍රී.ව. 114 - 136), IV වන කාශ්‍යප (ක්‍රි.ව. 898 - 914 ) යන රජවරුන් අතින් මෙම චෛත්‍ය ප්‍රතිසංස්කරණය වී ඇති අතර අවසන් වරට (ක්‍රි.ව. 1153 - 1186) මහා පරාක්‍රමබාහු රජ සමයේ දී ප්‍රතිසංස්කරණය කොට ඇත.
DB
