මේ රටේ ආර්ථිකය කඩා වැටුණේ එක දවසක බදු ඉවත් කිරීම නිසා නොවන බවත්,ඒ බව සංඛ්‍යා ලේඛන අනුව ඔප්පු කළ හැකි බව ප්‍රවාහන, මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතා අද (24) පාර්ලිමේන්තුවේ දී පැවසීය.

විදුහල්පතිවරු 4672කට මේ වන විට පත්වීම්.ලබා දී ඇති බවත් එළඹෙන පාසල් නිවාඩුවෙන් පසු නව පාසල් වාරයේදී එම විදුහල්පතිවරු පාසල් වලට අනුයුක්ත කරන බව අධ්‍යාපන අමාත්‍ය ආචාර්ය සුසිල් ප්‍රේම්ජයන්ත් මහතා අද (24) පාර්ලිමේන්තුවේ දි ප්‍රකාශ කළේය.

සමනළ වැව, රන්ටැඹේ, සහ වික්ටෝරියා යන ජලාශ විකිණීම සම්බන්ධව විදුලිබල අමාත්‍යවරයා කැබිනට් මණ්ඩලයට යෝජනාවක් ගෙනැවිත් නොමැති බවත් ජනාධිපතිවරයා හෝ කැබිනට් මණ්ඩලය එවැනි සාකච්ඡාවක් සිදු කර නොමැති බවත් කිසිම ආකාරයකට ජලාශයක් කිසිම රටකට හෝ මේ රටේ අයෙකුට හෝ විකිණීමට කැබිනට් මණ්ඩලය කටයුතු කරන්නේ නැති බව මහින්ද අමරවීර මහතා අද (24) පාර්ලිමේන්තුවේ දී පැවසීය.

මෙවර පාසල් නිවාඩුව දෙසැම්බර් 22 ආරම්භ වී පෙබරවාරි 02 දක්වා ලබා දෙන බව අධ්‍යාපන අමාත්‍ය ආචාර්ය සුසිල් ප්‍රේම්ජයන්ත් මහතා අද (24) පාර්ලිමේන්තුවේදි පැවසීය.