විද්‍යාලයට ගිය ජනාධිපති මහින්ද රාජපක්ෂ මැතිතුමා ව එම දරුවන් විසින් මහත් හරසරින් යුතුව පිළිගෙන උත්සව ශාලාව වෙත කැඳවාගෙන යනු ලැබූහ.
පසුගිය වර්ෂයේ අති විශිෂ්ට දක්ෂතා දැක්වු දරුවන්ට සම්මාන පිරිනැමීම මෙහිදී ජනාධිපතිතුමා අතින් සිදු විය.
එමෙන් ම අවම නිවාඩු සංඛ්‍යාවක් ලබා ගනිමින් සිසුන් වෙනුවෙන් අසීමිත කැපකිරීමක් කළ ගුරුවරුන්ට ද ජනාධිපතිතුමා අතින් උපහාර තිළිණ පිළිගැන්වීය.
විද්‍යාලයට පැමිණීම වෙනුවෙන් ජනාධිපතිතුමා වෙත ද සමරු තිළිණයක් ප්‍රදානය කළ අතර විදුහල්පති ප්‍රසන්න උපශාන්ත මහතා විසින් එය ජනාධිපතිතුමා වෙත පිළිගන්වන ලදී.
අධ්‍යාපන අමාත්‍ය බන්දුල ගුණවර්ධන, පාර්ලිමේන්තු මන්ත්‍රී තිලංග සුමතිපාල මහත්වරුන් ද, ආචාර්ය මණ්ඩලය, දෙමාපියන් ආදි සිසුන් ඇතුළු පිරිසක් මීට එක් ව සිටියහ.
DB
