ඒ අනුව වර්තමානයට ගැළපෙන පරිදි වෛද්‍ය ආඥා පනතේ විධිවිධාන සංශෝධනය කිරීම සඳහා නිර්දේශ ඉදිරිපත් කිරීමට අග්‍රාමාත්‍ය ලේකම් ගේ ප්‍රධානත්වයෙන් පත් කළ කමිටුව විසින් ඉදිරිපත් කරන ලද නිර්දේශ ක්‍රියාත්මක කිරීමට 2023.10.09 දින පැවති අමාත්‍ය මණ්ඩල රැස්වීමේ දී අනුමැතිය ලබා දී තිබේ.
කමිටුව විසින් ඉදිරිපත් කරන ලද නිර්දේශ මත පදනම් ව වෛද්‍ය ආඥා පනත සංශෝධනය කිරීම සඳහා නීති කෙටුම්පත් සම්පාදක විසින් ඉදිරිපත් කරනු ලැබූ පනත් කෙටුම්පතට නීතිපතිගේ නිෂ්කාශනය ද ලැබී තිබෙන අතර එකී නීති කෙටුම්පත රජයේ ගැසට් පත්‍රයේ පල කිරීමටත්, ඉන් අනතුරුව අනුමැතිය පිණිස පාර්ලිමේන්තුවට ඉදිරිපත් කිරීමටත් සෞඛ්‍ය අමාතවරයා ඉදිරිපත් කළ යෝජනාවට කැබිනට් අනුමැතිය හිමිව තිබේ.
