ත‍්‍රස්තවාදීන් විසින් විනාශ කර දැමූ උතුරේත් දකුණේත් ජනතාව අතර අතීතයේ පටන් පැවති සහෝදරත්වය සහ සංස්කෘතිකමය සබැඳියාව මෙම දුම්රිය ගමනෙන් යළි තහවුරු වනු ඇති බවට ද ජනාධිපතිතුමා මෙහිදී විශ්වාසය පළ කළේය.
උතුරු දකුණු ජන හදවත් යා කරන යාල් දේවී දුම්රිය වසර 24කට පසු ඊයේ (13) පෙරවරුවේ යළිත් යාපනය දක්වා ගමන් ඇරඹීය. කුරිරු ත‍්‍රස්තවාදයේ අනිටු ඵලයක් ලෙස යාල් දේවිය පුපුරුවා හැරීමත් සමඟ යාල් දේවියේ ගමනට ද තිත තැබිණි.
තිස් වසරක ශාපලත් ත‍්‍රස්තවාදය වසර තුනකින් නිමාකර උතුරේ ජනතාවට නැති වූ ජීවිත හැර අන් සියල්ලක් ම ලබාදෙන බවට දුන් පොරාන්දුව අකුරට ම ඉටු කළ රාජ්‍ය නායකයා ලෙස ජනාධිපති මහින්ද රාජපක්ෂ මැතිතුමා කොළඹ - යාපනය අතර දුම්රිය මාර්ගය ද යළි ගොඩනංවමින් එහි දුම්රිය ධාවනය නැවත ඇරඹීමට ද පියවර ගත්තේය.
NDH/priu
