පාසල් දරුවන් සඳහා ජාතික පෝෂණ ප්‍රතිපත්තියක් ක්‍රියාවට නංවන බව අධ්‍යාපන ඇමැති ආචාර්ය සුසිල් ප්‍රේමජයන්ත මහතා අද(04) පාර්ලිමේන්තුවේදී පැවසීය. විපක්ෂ නායක සජිත් ප්‍රේමදාස මහතා 27 (2) යටතේ ඇසූ ප්‍රශ්නයට පිළිතුරු දෙමින් අමාත්‍යවරයා මේ බව පැවසීය.
2005 සිට 2010 දක්වා අධ්‍යාපන ඇමැතිවරයාව සිටියදී තමා එම ප්‍රතිපත්තිය ක්‍රියාවට නැංවීම ආරම්භ කළ බවත් අදටත් එම ප්‍රතිපත්තිය චක්‍රලේඛයකට අනුව පාසල් තුළ ක්‍රියාත්මක කරන බවත් ඇමැතිවරයා පැවසුවේය.
එක් එක් පුද්ගලයන්ට අවශ්‍ය පරිදි දරුවන්ට ලබාදිය යුතු ආහාර වේල සම්බන්ධයෙන් තීරණ ගත නොහැකි බවත් පෝෂණ වෛද්‍යවරුන්ගේ උපදෙස් පරිදි සෞඛ්‍ය අමාත්‍යාංශය සමඟ එක්ව දරුවන්ට ලබාදිය යුතු ආහාර වේල් සම්බන්ධයෙන් සැලසුම් සකස් කර දිවා ආහාර වේල ලබාදීම සිදු කරන බවත් ඇමැතිවරයා පැවසුවේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
