ජපානයේ හිරෝෂිමා නගරයේ ඊයේ (20) සිදු වූ නායයෑම්වලින් මිය ගිය සහ විපතට පත්වූවන්ගේ පවුල්වලට ජනාධිපති මහින්ද රාජපක්ෂ මැතිතුමා සිය ශෝකය පළ කර තම ට්විටර් ගිණුමේ පණිවුඩයක් ලියා ඇත.
ඊයේ (20) ජපානයේ හිරෝෂිමා නගරයට ආසන්න කඳුකර පෙදෙසක, පැය 24ක් පුරා එකදිගට ඇද හැළුණු වර්ෂාව නිසා ඇති වූ නායයෑමකින් පුද්ගලයන් 39කට අධික සංඛ්‍යාවක් ජීවිතක්ෂයට පත් වූ අතර නිවාස රැසකට හානි සිදු විය.
ශ්‍රී ලාංකිකයන්ද නායයෑම්වලින් පීඩාවට පත්වන අතර දෙරට අතර සහයෝගීතාව මෙවන් කාරණාවලදී වැදගත් වන්නේ එම නිසා බව එම පණිවුඩයේ ජනාධිපතිතුමා සඳහන් කර ඇත.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
