අමාත්‍යවරයා මේ බව පැවසුවේ පාර්ලිමේන්තු මන්ත්‍රී අශෝක් අබේසිංහ මහතා විසින් වාචික පිළිතුරු අපේක්ෂාවෙන් අද (22) පාර්ලිමේන්තුවේ දී අසන ලද ප්‍රශ්නයකට පිළිතුරු වශයෙනි.
විදුලිබල මණ්ඩලය සඳහා ආනයන මිලට වඩා අඩු මිලට ඉන්ධන සැපයීම, ජනතාවට ලබා දී ඇති භූමිතෙල් සහනාධාරය, ඇමරිකන් ඩොලරයට සාපේක්ෂව රුපියලේ අගය පහළ යාම ආදී කරුණු නිසා ලංකා ඛනිජතෙල් නීතිගත සංස්ථාව පාඩු ලබන බව අමාත්‍යවරයා පෙන්වා දුන්නේය.
ආරම්භයේ සිට ම ඉන්ධන සඳහා බදු අය කරයි. රුපියල් 85ට තෙල් ගෙන්වන්න බැහැ. අය කරන බදු මුදල් රජයේ අනෙකුත් සහනාධාර අංශ වෙත යොමු කරයි. ඉන්ධන සඳහා මිල නියම කරන්නේ රජයයි. සංස්ථාව පාඩු අවම කර ගැනීම සඳහා මෙහෙයුම් ලාභයක් ඇති කර ගෙන යන බවත් ඇතැම් අංශවල නිපදවීම් සඳහා තෙල් සැපයීම සිදු කරන බවත් ඔහු පැවසීය.
NDH
