රේගු මූලස්ථානය වෙත ගිය ජනාධිපතිතුමා රේගු අධ්යක්ෂ ජනරාල් ජගත් පී. විජේවීර මහතා විසින් පිළිගත් අතර සර්වාගමික ආශිර්වාද මැද සමරු ඵලකය නිරාවරණය කරමින් ජනාධිපතිතුමා රේගු මන්දිරය විවෘත කළේය.
පහත මාලයේ පිහිටි රේගු කෞතුකාගාරය විවෘත කළ ජනාධිපතිතුමා රේගු කෞතුකාගාරය නිරීක්ෂණය කළේය. මෙහිදී රේගු දෙපාර්තමේන්තුවේ ඉතිහාසය සහ වත්මන් ක්‍රියාකාරිත්වය පිළිබඳ ග්‍රන්ථ, සමරු සටහන් ද ජනාධිපතිතුමා වෙත පිළිගැන්වීය.
රේගු මන්දිරය විවෘත කිරීමට පැමිණීම සම්බන්ධයෙන් ජනාධිපතිතුමා වෙත සමරු තිළිණයක් ද මෙහිදී පිරිනැමිණි.
ජාත්‍යන්තර මූල්‍ය සහයෝගිතාව පිළිබඳ ජ්‍යේෂ්ඨ අමාත්‍ය මුදල් හා ක්‍රම සම්පාදන නියෝජ්‍ය අමාත්‍ය ආචාර්ය සරත් අමුණුගම, මුදල් හා ක්‍රමසම්පාදන අමාත්‍යංශයේ ලේකම් ආචාර්ය පී.බී. ජයසුන්දර, ජනාධිපති කාර්යමණ්ඩල ප්‍රධානී ගාමිණි සේදර සෙනරත් මහත්වරුන් ඇතුළු පිරිසක් මෙම අවස්ථාවට එක්වූහ.
DB
