අමාත්‍යවරයා මේ බව පැවසුවේ අද (09) පාර්ලිමේන්තුවේදී පාර්ලිමේන්තු මන්ත්‍රී සජිත් ප්‍රේමදාස මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
දිස්ත්‍රික්ක මට්ටමින් ස්ථාපිත ත්‍රීරෝද රථවල තොරතුරු රැස්කර මේ ක්‍රමය සකසා ඇත. මෙහි ඇති වයස අවුරුදු 18 සිට 59 දක්වා සුරැකුම් යෝජනා ක්‍රමය යටතේ සාමාජිකත්වය ලබන සියලුම ත්‍රී රෝද රථ හිමියන් හා රියැදුරන්ට ඔවුන්ගේ වයස අවුරුදු 60 එළඹෙන දින සිට ජීවිතාන්තය දක්වා මාසික විශ්‍රාම වැටුපක් ගෙවනු ඇත. මෙහිදී සාමාජිකත්වය ලබන සාමාජිකයාට ම අපේක්ෂිත විශ්‍රාම වැටුප තීරණය කළ හැකි බව ද ඔහු පෙන්වා දුන්නේය.
මේ විශ්‍රාම වැටුප් යෝජනා ක්‍රමය දිස්ත්‍රික් ලේකම් කාර්යාල මඟින් ප්‍රාදේශීය ලේකම් කාර්යාලයන්හි මැදිහත්වීම මත ක්‍රියාත්මක කිරීමට මේ වන විටත් පියවර ගෙන ඇති බවත් ජාතික ත්‍රී රෝද රථ වෘත්තිකයන්ගේ සම්මේලනයේ මැදිහත්වීම යටතේ දිවයින පුරා ක්‍රියාත්මක කිරීමට සැලසුම් කර ඇති බවත් අමාත්‍යවරයා වැඩිදුරටත් සඳහන් කළේය.
NDH/HC
