රාජ්‍ය අමාත්‍යවරයා මේ බව ප්‍රකාශ කළේ, නියං තත්ත්වය පිළිබඳව අද (23) පාර්ලිමේන්තුවේ දී සභාව කල්තබන අවස්ථාවේ යෝජනාවේ විවාදයට අඳහස් දක්වමිනි.
ලෝකයේ කාලගුණය වෙනස් වෙලා. ලෝකයේ සියලු ජනතාවට පීඩා විදින්න සිදු වෙනවා කියලා විශේෂඝ්නයන් අනතුරු අඟවා තිබෙනවා. අපේ රටේ දීර්ග කාලයක් වූ පරිසර විනාශය, ජනගහනය වැඩි වීම මේ ප්‍රශ්නය උග්‍ර වීමට හේතු වී තිබෙනවා. පුත්තලම දිස්ත්‍රික්කය විශාල පවුල් ප්‍රමාණයක් නියඟයෙන් පීඩාවට පත්වෙලා. කෘෂි කර්මයට පමණක් නොව බීමට ජලය නෑ. කාලගුණය අනුව තරමක වැසි ආවත්, වැව් ගංගා එන්න එන්නම ජලය අඩුවෙලා. මේ නියඟය තුළින් පීඩාවට පත් වූ සියලු ජනතාවට රජය මැදිහත් වී පීඩාව අවම කිරීමට වැඩපිළිවෙලක් ක්‍රියාත්මකයි. මූලික අවශ්‍යතාවක් වන පානීය ජලය ලබාදීමට දීර්ග වශයෙන් සාකච්ඡා කර පුළුල් සහනදායි වැඩපිළිවෙලක් දැනටමත් ක්‍රියාත්මක කර ඇති බවද අමාත්‍යවරයා පැවසී ය.
