මෙහිදී ජ්‍යෙෂ්ඨ ලේඛක ලේඛිකාවන් 15 දෙනෙකු ද ජනාධිපතිතුමා අතින් ප්‍රණාම සම්මාන ලබාගත් අතර මීට සමගාමීව පාසල් මට්ටමෙන් පවත්වන ලද පැනයට පිළිතුරු තරග වැඩසටහනේ ජයග්‍රාහික ශිෂ්‍ය ශිෂ්‍යාවන් ද ජනාධිපතිතුමා අතින් සහතිකපත් ලබාගත්හ.
ජ්‍යෙෂ්ඨ ලේඛක ලේඛිකාවන් දිරිමත් කිරීමේ අරමුණින් සිවිවන වරටත් පවත්වනු ලබන මෙම උපහාර උළෙල මගින් සියලු ජාතීන් නියෝජනය කරමින් ලේඛික ලේඛිකාවෝ සම්මාන ලැබූහ.
මෙම අවස්ථාවට නියෝජ්‍ය අමාත්‍ය ලසන්ත අලගියවන්න, ජනමාධ්‍ය අමාත්‍යාංශයේ ලේකම් ආචාර්ය ආර්.එච්.එස් සමරතුංග, ගුවන් විදුලි සංස්ථාවේ සභාපති සුදර්ශන ගුණවර්ධන සහ එහි අධ්‍යක්ෂ ජනරාල් ඒරානන්ද හෙට්ටිආරච්චි යන මහත්වරුන් ඇතුළු පිරිසක් සහභාගී වූහ.
