අධිකරණයේ පවතින කටයුත්තක් බැවින් අත් අඩංගුවට ගෙන සිටින පාර්ලිමේන්තු මන්ත්‍රී උදය ප්‍රභාත් ගම්මන්පිල මහතා සම්බන්ධයෙන් පාර්ලිමේන්තුවේ විවාදයක් කළ නොහැකි බව නියෝජ්‍ය කාරකසභා සභාපති එස්.අඩෙක්කලනාදන් මහතා පැවසීය.
අද (21) පාර්ලිමේන්තුවේ දී මූලාසනයේ සිටිමින් මේ බව ප්‍රකාශ කළේ, පාර්ලිමේන්තු මන්ත්‍රී දිනේෂ් ගුණවර්ධන මහතා විසින් අත් අඩංගුවට ගැනීම පිළිබඳ සිදු කළ විශේෂ ප්‍රකාශයෙන් අනතුරුවය.
විපක්ෂයේ මන්ත්‍රීවරු පිරිසක් නැගී සිටිමින් විරෝධය දැක්වීම හේතුවෙන් සභාවේ උණුසුම් තත්ත්වයක් ඇති විය.
තමන් අසනීප වුවත් සභාවට පැමිණෙන බවත් සභාවෙන් එළියේ සිටිනවා යැයි කියන උදය ගම්මන්පිල මහතාට සභාවට එන්න කියන්න යැයි එම අවස්ථාවේ පිළිතුරු දීමට නැඟී සිටි අග්‍රාමාත්‍ය රනිල් වික්‍රමසිංහ මහතා ප්‍රකාශ කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
