ආචාර්ය රත්මලේ පුඤ්ඤරතන හිමිපාණන් වහන්සේට අභිනව ධූරය පිළිබඳ ශ්‍රි සන්නස් පත්‍රය පිළිගැන්වීම මෙහිදී ජනාධිපතිතුමා අතින් සිදු වූ අතර උතුරු මැද පළාත් ප්‍රධාන අමාත්‍ය පේෂල ජයරත්න මහතා අතින් විජිණිපත පිළිගැන්වීම සිදු විය.
මල්වතු පාර්ශවයේ අනුනායක පූජ්‍ය දිඹුල්කුඹුරේ ශ්‍රී සරණංකර විමලධම්ම හිමිපාණන් වහන්සේ, අස්ගිරි පාර්ශවයේ අනුනායක සොළොස්මස්ථානාධිපති පූජ්‍ය වේඩරුවේ උපාලි හිමිපාණන් වහන්සේ, ඓතිහාසික සෝමාවති රජමහා විහාරාධිපති පූජ්‍ය පාහමුනේ ශ්‍රී සුමංගල නායක ස්වාමින් වහන්සේ ප්‍රමුඛ මහා සංඝරත්නයද උතුරු මැද පළාත් ප්‍රධාන අමාත්‍ය පේෂල ජයරත්න මහතා ඇතුළු ජනතා නියෝජිතයින් පිරිසක්ද ප්‍රදේශවාසී සැදැහැවත් ජනතාව විශාල පිරිසක්ද මෙම අවස්ථාවට එක්ව සිටියහ.
