ඉන්දු- ශ්‍රී ලංකා ආර්ථික සහ තාක්ෂණික සහයෝගිතා ගිවිසුමක් අත්සන් තැබීමට ඉන්දියාව සමඟ රජය සාකච්ඡා කරමින් සිටින බව සංවර්ධන උපාය මාර්ග හා ජාත්‍යන්තර වෙළඳ අමාත්‍ය මලික් සමරවික්‍රම මහතා අද (11) පාර්ලිමේන්තුවේ දී ප්‍රකාශ කළේ ය.
අමාත්‍යවරයා මේ බව ප්‍රකාශ කළේ, පාර්ලිමේන්තු මන්ත්‍රී උදය ප්‍රභාත් ගම්මන්පිල මහතා යොමු කළ වාචික ප්‍රශ්නයකට පිළිතුරු ලබාදෙමිනි.
වසර 2016 තුළ එකී ගිවිසුම අත්සන් කිරීමට බලාපොරොත්තුවන බව පැවසූ අමත්‍යවරයා, ''සීපා'' නමින් ගිවිසුමක් අත්සන් කර නැතැයි ද පැවසීය.
ගිවිසුම අත්සන් කිරීමට පෙර එහි අන්තර්ගතය පිළිබඳව සකච්ඡා කරන බවත් ඒ සම්බන්ධව පාර්ලිමේන්තුව ද දැනුවත් කරන බවත් අමාත්‍යවරයා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
