ඉඩම් ඇමැති එම්.කේ.ඒ.ඩී.එස්.ගුණවර්ධන මහතා කොළඹ පෞද්ගලික රෝහලකදී  පසුගියදා (19) අභාවප්‍රාප්ත විය. මිය යන විට ඒ මහතා 69 වැනි වියේ පසුවිය.

1947 මාර්තු 6 වැනිදා උපත ලද ගුණවර්ධන මහතා ශ්‍රී ලංකා නිදහස් පක්ෂයේ ජ්‍යෙෂ්ඨ සාමාජිකයෙක් විය. 2014 වසරේ මහින්ද රාජපක්ෂ රජයේ නියෝජ්‍ය අමාත්‍ය ධූරයක් දරමින් සිට ඉන් ඉවත්වී මෛත්‍රිපාල සිරිසේන මැතිතුමා ජනපති ලෙස පත්කරගැනීමේ සටනට පිවිසීමෙන් පසු බිහිවූ නව රජයේ ඇමැතිවරයකු ද වූ ගුණවර්ධන මහතා 2015 මහ මැතිවරණයේදී එක්සත් ජාතික පක්ෂයේ ජාතික ලැයිස්තු මන්ත්‍රී ධූරයකින් පාර්ලිමේන්තුවට තේරී පත්විය.

ජනාධිපතිතුමා සමග ජයන්ති සිරිසේන මැතිණියද මෙම අවස්ථාවට සහභාගී විය.