බෞද්ධ දර්ශනයේ අභාසය ලබන නව ශ්‍රී ලාංකීය ජාතියක් ගොඩනැගීමට අවශ්‍ය වන පදනම සකසා ගනිමින් යහපත් රාජ්‍යකරණයක් මත ගොඩනැගුණු ශ්‍රී ලංකාවක් බිහි කිරීම උදෙසා ආරම්භ කෙරුණු ජාතික බෞද්ධ බුද්ධි මණ්ඩලය අද (17) පස්වරුවේ ජනාධිපති නිල නිවසේදී ජනාධිපතිතුමාගේ ප්‍රධානත්වයෙන් රැස් විය.
බෞද්ධ හා පාලි විශ්ව විද්‍යාලයේ උපකුලපති පූජ්‍ය මහාචාර්ය ගල්ලෑල්ලේ සුමනසිරි ස්වාමින් වහන්සේ, විද්‍යාදෝදය පිරිවෙනේ පරිවෙනාධිකාරි පූජ්‍ය මහාචාර්ය අකුරැටියේ නන්ද ස්වාමින් වහන්සේ, පූජ්‍ය තිබ්බටුවාවේ ශ්‍රී සිද්ධාර්ථ මේධංකර නායක ස්වාමින් වහන්සේ, පූජ්‍ය මහාචාර්ය අගලකඩ සිරිසුමන ස්වාමින් වහන්සේ, පූජ්‍ය මහාචාර්ය විජිතපුර විමලරතන ස්වාමින් වහන්සේ ප්‍රමුඛ දිවයිනම ආවරණය වන පරිදි ව්‍යක්ත, විශාරද භික්ෂුන් වහන්සේලා මෙම අවස්ථාවට වැඩම කර සිටියහ.
(ඡායාරූප - ජනාධිපති මාධ්‍ය අංශය)
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
