ඉතාලි රදගුරු සම්මේලනයේ ආධාර යටතේ මීගමුවේ ඉදි කළ 16 වන බෙනඩික් උසස් අධ්‍යාපන මධ්‍යස්ථානය විවෘත කිරීමේ උත්සවය ඊයේ (27) පස්වරුවේ ජනාධිපති මෛත්‍රීපාල සිරිසේන මැතිතුමාගේ ප්‍රධානත්වයෙන් පැවැත්විණි.
අගරදගුරු මැල්කම් කාදිනල් රංජිත් හිමිපාණන් වහන්සේ සහ ඉතාලි රදගුරු සම්මේලනයේ සභාපති අතිඋතුම් ඇන්ජෙලෝ කාදිනල් බෙගැන්කෝ (Angelo Cardinal Bagnaco) හිමිපාණන් වහන්සේ විසින් ජනාධිපතිතුමා පිළිගත්තහ.
ජනාධිපතිතුමාගේ පැමිණිම සනිටුහන් කරමින් උසස් අධ්‍යාපන මධ්‍යස්ථාන පරිශ්‍රයේ සුදු සදුන් පැළයක් රෝපණය කළේය.
හිටපු අගරදගුරු අති උතුම් ඔස්වල් ගෝමිස් හිමිපාණන් වහන්සේ, ප්‍රමුඛ පියතුමන්ලා ද, කතානායක කරූ ජයසූරිය, අමාත්‍ය ලක්ෂ්මන් කිරිඇල්ල යන මහත්වරුන් ඇතුළු පිරිසක් ද මෙම අවස්ථාවට එක්ව සිටියහ.
kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
