ගාලු නගරය, ගාලු කොටුව, සහ ගාලු වෙරළ තීරය කේන්ද්‍ර කරගනිමින් ගාල්ලේ සාඩම්බර උරුමය ලොවට කියන ගාලු සමය වෙළෙඳ ප්‍රදර්ශනය සහ සැණකෙළිය අද (27) පස්වරුවේ ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් උත්සවාකාරයෙන් විවෘත කෙරිණි.
සංස්කෘතිකාංග රැසකින් මෙම උත්සවය විචිත්‍රවත් කෙරුණු අතර ගාලු දිස්තික්කය සහ දකුණු පළාත නියෝජනය කරන පාර්ලිමේන්තු සහ පළාත් සභා මැති ඇමතිවරුන්, රාජ්‍ය නිලධාරීන් ඇතුඑ විශාල පිරිසක් මෙම අවස්ථාවට එක්විය.
වෙළෙද ප්‍රදර්ශනය විවෘත කිරීමට එක්වූ ජනාධිපතිතුමා වෙත සමරු තිළිණයක් පිරිනැමීම දකුණු පළාත් ආණ්ඩුකාර හේමකුමාර නානායක්කාර මහතා අතින් සිදුවිය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
