ගෝල්ඩන් කී තැන්පත්කරුවන්ගේ මුදල් නැවත ලබාදීම යටතේ මිලියන දෙකේ සිට මිලියන දහය දක්වා තැන්පත් කළ තැන්පත්කරුවන්ට මුදල් ලබාදීම ඊයේ (21) ජනාධිපති මෛත‍්‍රීපාල සිරිසේන මැතිතුමාගේ ප‍්‍රධානත්වයෙන් ජනාධිපති කාර්යාලයේදී සිදු කෙරිණි.
මෙහි පළමු අදියර ලෙස මිලියන දෙකට අඩු තැන්පත්කරුවන් සඳහා මුදල් නැවත ලබාදීම ජනාධිපතිවරණයෙන් අනතුරුව දින සියය වැඩසටහන තුළදී සිදුකෙරුණු අතර දෙවන අදියර යටතේ මුදල් ලබාදීම සංකේතවත් කරමින් තැන්පත්කරුවන් 15 දෙනෙකුට මුදල් ප‍්‍රදානය ජනාධිපතිතුමා අතින් සිදුකරන ලදී.
ජනාධිපති මෛත‍්‍රීපාල සිරිසේන මැතිතුමාගේ ජනාධිපතිවරණයේ මැතිවරණ පොරොන්දුවක් අනුව ගෝල්ඩන් කී තැන්පත්කරුවන්ට මෙලෙස මුදල් නැවත ලබාදීම සිදුකෙරිණි.
මෙම අවස්ථාවට මුදල් අමාත්‍ය රවී කරුණානායක මහතා ද එක් විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
