අදියරෙන් අදියර මේ කටයුත්ත සිදු කිරීමට හැකි වෙතැයි අප බලාපොරොත්තු වෙනවා.දැනට අපට ඉදිරිව ඇත්තේ මේ
දීමනාව මූලික වැටුපට එක් කිරීමට පමණයි. අපටත් අවශ්‍යව ඇත්තේ ඉතා ඉක්මනින් මෙය ඉටු කරලීමයි.අපි උත්සහ
කරන්නේ අදියර තුනකින් මේ කටයුත්ත සිදු කරන්නටයි.
මෙතනදී අප රජයේ සේවක වැටුප් පිළිබඳවත් , වැටුප් විෂමතා පිළිබඳවත් ගැඹුරින් විමසා බැලිය යුතු බව අපේ හැඟිමයි.මේ
නිසා ජාතික වැටුප් කොමිසමක් යළි ස්ථාපිත කිරීමට අප ක්‍රියාකරනවා.සියළු කණ්ඩායම් සමඟ සාකච්ඡා කර රජ්‍ය
සේවයේ වැටුප් පිළිබඳ පරිපූර්ණ වාර්තාවක් සකස් කිරීමේ වගකීම ජාතික වැටුප් කොමිසමට අප ලබාදෙනවා. වාර්තාව
සැකසීම සඳහා මාස 6ක කාලයක් ඔවුන්ට ලබාදීමට බලපොරොත්තු වෙනවා යැයි ද අග්‍රාමාත්‍යවරයා පැවසී ය.
