ප්‍රවීණ ගී පද රචකයකු මෙන්ම නිවේදකයකු ද වන ප්‍රේමකීර්ති ද අල්විස් මහතා සිහිපත් කරමින් ප්‍රේමකීර්ති ද අල්විස් නිල වෙබ් අඩවිය විවෘත කිරීම සහ , හද ගී පොතේ පද රස වින්දන , වර්ණ ප්‍රසංගය ඊයේ (10) පස්වරුවේ මහරගම යොවුන් රගහලේදී ජනාධිපති මෛත්‍රීපාල සිරිසේන මැතිතුමාගේ ප්‍රධානත්වයෙන් පැවැත්විණි.
එය www.premakeerthidealwis.org වෙබ් අඩවිය වේ.
ප්‍රවීණ ගායක ගායිකාවන්ගේ සහභාගිත්වයෙන් හද ගී පොතේ පද රස වින්දන, වර්ණ ප්‍රසංගය පැවැත්විණි.
ප්‍රේමකීර්ති ද අල්විස් මහතාගේ පුතණුවන් විසින් සමරු තිළිණයක් ජනාධිපතිතුමා වෙත පිළිගැන්වීම ද මෙහිදී සිදු කෙරිණි.
අමාත්‍ය විජයදාස රාජපක්ෂ මහතා ඇතුළු සම්භාවනීය ආරාධිත පිරිසක්ද, ප්‍රේමකීර්ති ද අල්විස් මහතාගේ බිරිද ඇතුළු පවුලේ ඥාතීන්ද මෙම අවස්ථාවට එක් වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
