පරිගණක නිෂ්පාදනය නිසා ලෝකයේ ලොකුම ධනවතා බවට පත් වූ බිල් ගේට්ස් පවා සිය දරුවන්ට වයස 16 ඉක්මවනතුරු ජංගම දුරකථනය භාවිත කිරීමට අවසර ලබා නොදුන් අතර නවීන තාක්ෂණය භාවිතයේදී දරුවන් පිළිබද සුපරික්ෂාකාරිව සිටීම දෙමාපියන්ගේ වගකීමක් බවද කියා සිටියේය.
නීතිය පිළිබද තිබෙන දැනුම අල්පවීම අද අපරාධ ඉහළයාමට හේතුවක් වී ඇති බවද මෙහිදී පෙන්වා දුන් ජනාධිපතිතුමා නීති විද්‍යාලයට ගොස් නීතිය හැදෑරිම නොව සමාජයේ සහ ජනතාවගේ ජීවිතවල ආරක්ෂාව කෙරෙහි නීතියේ ආධිපත්‍ය දක්වන වැදගත්කම පිළිබදව සියලූදෙනා අවබෝධයෙන් සිටීම වැදගත් බවද කියා සිටියේය.
කුරුණෑගල මලියදේව බාලිකා විද්‍යාලයේ 2014 වාර්ෂික ත්‍යාග ප‍්‍රදානෝත්සවය මෙලෙස ජනාධිපතිතුමාගේ ප‍්‍රධානත්වයේ පැවැත්වුණු අතර විද්‍යාලය වෙත පැමිණි ජනාධිපතිතුමාව සිසු දැරියන් විසින් මහත් සෙනෙහසින් යුතුව පිළිගත්හ.
විශිෂ්ටතා දැක්වූ සිසුවියන්ට සහතිකපත් ප‍්‍රදානය කිරීමද ජනාධිපතිතුමා අතින් සිදු විය.
අනුරාධා සදමාලි දැරිය විසින් චිත‍්‍රයට නගන ලද ජනාධිපතිතුමාගේ ආලේඛ්‍ය චිත‍්‍රයක් මෙහිදී ජනාධිපතිතුමා වෙත පිළිගැන්වීය.
අධ්‍යාපන අමාත්‍ය අකිල විරාජ් කාරියවසම්, අමාත්‍යවරුන් වන දයාසිරි ජයසේකර, අනුර පි‍්‍රයදර්ශන යාපා, වයඹ පළාත් ආණ්ඩුකාර අමරා පියසීලි රත්නායක, ප‍්‍රධාන අමාත්‍ය ධර්මසිරි දසනායක යන මහත්වරුන් ඇතුළු පිරිසක්ද විදුහල්පතිනි සෝමා රත්නායක මහත්මිය, ආචාර්ය මණ්ඩලය, දෙමාපියන්, ආදි සිසුන් ඇතුථ පිරිසක් ත්‍යාග ප‍්‍රදානෝත්සවයට එක්ව සිටියහ.
