උතුරේ හෝ දකුණේ අන්තවාදයක් ගොඩනඟන්නට කිසිවකු හෝ සිතනවා නම් එය ඔවුන් රට වෙනුවෙන් සිදු කරන විශාල ද්‍රෝහිකමක් බව විපක්ෂ නායක ආර්. සම්බන්ධන් මහතා අද (03) පාර්ලිමේන්තුවේදි ප්‍රකාශ කළේය.
විපක්ෂනයකවරයා මේ බව ප්‍රකාශ කළේ,අතිගරු ජනාධිපති ,අගමැති කාර්යාලය,උපරිමාධිකරණවල විනිශ්චයකාර වරු,ඇතුළු විෂයයන් පිළිබඳ වැය ශීර්ෂ විවාදයට එක්වෙමිනි.
වසර තිහකට වැඩි කාලයක් උතුරේ හා දකුණේ ජනතාව දුක් විඳි ප්‍රමාණය හොඳටම ඇති බවත් පෞද්ගලික වාසි අපේක්ෂාවෙන් එවැනි ගැටලුකාරි තත්ත්වයක් නැවත ඇති කිරීමට ඉඩ නොතැබිය යුතු බවත් විපක්ෂ නායකවරයා පැවැසීය.
ඇති වූ ගැටුම් අතීතයට එක් කර අනාගතයේ එක්සත් ජාතියක් ලෙස සමඟියෙන් ජීවත් වෙමු යැයි ද විපක්ෂනායකවරයා ප්‍රකාශ කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
