එක්සත් ජාතීන්ගේ දේශගුණික විපර්යාස සමුළුව අද (30) උදෑසන පැරිස් නුවරදී ආරම්භ කෙරුණු අතර ජනාධිපති මෛතී‍්‍රපාල සිරිසේන මැතිතුමා එරට වේලාවෙන් අද ප.ව 3.00 පමණ (මෙරට වේලාවෙන් පස්වරු 07.30ට පමණ) සමුළුව අමතා සිය විශේෂ දේශනය සිදු කිරීමට නියමිතය.
එක්සත් ජාතීන්ගේ සාමාජික රටවලට අයත් රාජ්‍ය නායකයින් 150 කට අධික පිරිසක් සමුළුවට එක්ව සිටින අතර දශක 04 කට පසු මෙතරම් රාජ්‍ය නායකයින් පිරිසක් එකවර ප‍්‍රංශයේදී රැස්වන ප‍්‍රථම අවස්ථාව මෙයයි.
මෙයට පෙරද පරිසර අමාත්‍යවරයා ලෙස ජනාධිපතිතුමා එක්සත් ජාතීන්ගේ දේශගුණික විපර්යාස සමුළුවට සහභාගී වී තිබෙන අතර ශී‍්‍ර ලංකාවේ පරිසර අමාත්‍යවරයා ලෙස මෙන්ම ජනාධිපතිවරයා ලෙස අද මෛතී‍්‍රපාල සිරිසේන මැතිතුමා සමුළුවට සහභාගීවීම වීම කැපී පෙනෙන සිදුවීමකි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
