ඒ මහතා මේ බව ප්‍රකාශ කළේ අද රජයේ ප්‍රවෘත්ති දෙපාර්තමේන්තුවේ පැවැති ප්‍රවෘත්ති දෙපාර්තමේන්තුවේ පැවැති කැබිනට් තීරණ දැනුම්දීමේ ප්‍රවෘත්ති සාකච්ඡාවට එක්වෙමිනි.
ඒ අනුව ඉදිරි පාර්ලිමේන්තු සැසි වාරයක දී පාර්ලිමේන්තුව වෙත ඉදිරිපත් කිරීමට නියමිත මෙම ඖෂධ ප්‍රතිපත්තිය පාර්ලිමේන්තුවේ සම්මත වීමත් සමඟ වෛද්‍යවරයෙකු විසින් සෑම ඖෂධ වර්ගයක් ම විවිධ සමාගම් නාමයෙන් නොව ඖෂධ නාමයෙන් ලිවිය යුතු ය.
මේ හරහා ජනතාවට දෙවරක දී ඖෂධ මිල අඩු වෙනු ඇත. ඒ ඖෂධ නාමයෙන් මිලදීගැනීම් සිදු කරන අවස්ථාවේ දී මෙන් අපනයන කටයුත්තේ දී ය. සියලු වෛද්‍ය සංගම් මෙම කෙටුම්පත සඳහා කැමැත්ත පළ කොට ඇති අතර පනත සම්මත වීමෙන් අනතුරුව ඒ වන විට මෙරටට ගෙන්වා ඇති ඖෂධ තොග අවසන් කරගැනීම සඳහා ඖෂධ සමාගම් වෙත නියමිත කාලයක් ලබාදෙනු ඇත.
වෙළෙඳ ආර්ථිකයන් පවතින ඇමෙරිකාවේ මෙන් ම එංගලන්තය වැනි රටවල ද 80%ක් භාවිත කරනු ලබන්නේ ඖෂධ නාමය වේ.
සේනක බිබිලේ ප්‍රතිපත්තිය අදට ගැළපෙන ආකාරයට යම් යම් සංශෝධන සිදු කොට මෙවර කෙටුම්පත සකස් කොට ඇත.
