ඒ මහතා මේ බව ප්‍රකාශ කළේ අද (09) මැතිවරණ මහ ලේකම් කාර්යාලයේ පැවැති විශේෂ ප්‍රවෘත්ති සාකච්ඡාවකට එක්වෙමිනි.
පැවැති ජනාධිපතිවරණයේ දී ඉතාම අපක්ෂපාතීව මෙන් ම මධ්‍යස්ථ ලෙස කටයුතු කරමින් මැතිවරණ ප්‍රතිඵල නිකුත් කිරීමට කටයුතු කළ මැතිවරණ කොමසාරිස් මහින්ද දේශප්‍රිය මහතා ඇතුළු දෙපාර්තමේන්තුවේ නිලධාරීන් මෙන් ම මැතිවරණ රාජකාරීවල නියුතු වු සියලු රාජ්‍ය සේවකයන්ට සිය ස්තූතිය පුද කරන බවද සිරිසේන මැතිතුමා මෙහිදී පැවසීය.
නිදහස් හා සාධාරණ මැතිවරණයක් පැවැත්වීම සඳහා ත්‍රිවිධ හමුදාව ප්‍රමුඛ ශ්‍රී ලංකා පොලීසිය දැක්වූ සහයෝගයට ද සිට ගෞරවනීය ස්තූතිය පුද කරන බවද කී අභිනව ජනාධිපති මෛත්‍රීපාල සිරිසේන මැතිතුමා ජනාධිපති මහින්ද රාජපක්ෂ මැතිතුමා වෙත ද සිය ස්තූතිය පුද කර සිටියේය.
