නමුත් පසුගිය දා අයහපත් කාලගුණිත තත්ත්වය නිසා අවතැන් වූ හෝ ආපදාවට ලක් වූ පුරවැසියන් සඳහා සහනාධාර ලබාදීමේ කටයුතුවලට මෙම නීතිය බල නොපාන නමුත් එවැනි අවස්ථාවලදී ද පක්ෂ හෝ අපේක්ෂක ප්‍රවර්ධන ක්‍රියා කිසිසේත් සිදු නොකළ යුතු බවද අවධාරණය කරයි.
ජනාධිවරණයේ දී තරග කරනු ලබන අපේක්ෂකයන්ගේ අපේක්ෂකත්වය ප්‍රවර්ධනය වන අයුරින් විවිධ ද්‍රව්‍යමය ආධාර බෙදාහැරීම, මුල්‍යමය ආධාර ලබාදීම සඳහා තොරතුරු රැස්කිරීම යනාදි අනීතික ක්‍රියා දේශපාලනඥයන් විසින් හෝ සමිති සමාගම් විසින් රජයේ හෝ පෞද්ගලික ස්ථානවලදී මෙන් ම විහාරස්ථාන, කෝවිල්, දේවස්ථාන, පල්ලි යනාදි ආගමික සිද්ධස්ථාන හරහා ද සිදුකරන බවට පැමිණිලි ලැබීමේ සීග්‍රතාව වැඩිවෙමින් පවතින බවද එම නිවේදනයේ සඳහන් වේ.
රාජ්‍ය අංශයෙන් මහජනතාව වෙත ලබාදෙන සහනාධාර නිකුත් කිරීමට අදාළ කාර්යයන් පිළිබඳ ව ගෘහයෙන් ගෘහයට යන ක්ෂේත්‍ර නිලධාරීන් විසින් දේශපාලනමය ප්‍රචාරක කටයුතු සිදුවන අයුරින් ද්‍රව්‍යමය ආධාර, අපේක්ෂක ඡායාරූප හා අත්පත්‍රිකා බෙදාහරිනු ලබන බවට ද පැමිණිලි ලැබී තිබේ.
DB
