එහි අධ්‍යක්ෂ ආර්.එම්.එස්. බණ්ඩාර මහතා අද (01) පස්වරු 5.00ට නිකුත් කර ඇති නායයෑම් අනතුරු ඇඟවීමේ නිවේදනයෙහි මේ බව දැක්වේ.
නුවරඑළිය, මාතලේ, මහනුවර සහ බදුල්ල දිස්ත්‍රික්කවල පහත දැක්වෙන ප්‍රාදේශීය ලේකම් කොට්ඨාසවල අධි අවදානම් කලාප හෝ ස්ථාන ලෙස නම් කර ඇති ස්ථානවල / ප්‍රදේශවල සිටින මහජනතාව තාවකාලිකව එම ස්ථානවලින් ඉවත්වීමට කටයුතු කරන ලෙස අවධාරණය කෙරේ.
මාතලේ දිස්ත්‍රික්කයේ විශේෂයෙන් රත්තොට, උකුවෙල, මාතලේ, අඹන්ගඟ කෝරළේ, ගලේවෙල, ලග්ගල පල්ලේගම, යටවත්ත, පල්ලේපොළ, විල්ගමුව, නාඋල ඇතුළු සියලුම ප්‍රාදේශීය ලේකම් කොට්ඨාස.
මහනුවර දිස්ත්‍රික්කයේ සියලුම ප්‍රාදේශීය ලේකම් කොට්ඨාස සහ විශේෂයෙන් නුවර - මහියංගනය හා රන්දෙනිගල හරහා නුවර - බදුල්ල මාර්ග.
බදුල්ල දිස්ත්‍රික්කයේ සියලුම ප්‍රාදේශීය ලේකම් කොට්ඨාස සහ ඇල්ල - වැල්ලවාය මාර්ගය, බදුල්ල - මහියංගනය මාර්ගය, ඇටම්පිටිය හරහා හැලිඇළ - නුවරඑළිය මාර්ගය.
නුවරඑළිය දිස්ත්‍රික්කයේ සියලුම ප්‍රාදේශීය ලේකම් කොට්ඨාස. නුවර - නුවරඑළිය (රිකිල්ලගස්කඩ, පදියපැලැල්ල, වලපනේ සහ රාගල හරහා) මාර්ගය, නුවරඑළිය - හැටන් මාර්ගය, විශේෂයෙන් තලවකැලේ - නුවරඑළිය කොටස සහ බංගලාහත ප්‍රදේශය.
