අද (29) උදෑසන 05.30ට නිකුත් කරන ලද කාලගුණ නිවේදනයට අනුව කෙසේ වෙතත් අද දිනයේදී උතුරු, නැගෙනහිර සහ උතුරු මැද පළාත්වල වැසි ස්වල්පයක් ඇති විය හැක.

විශේෂයෙන් උදය කාලයේදී බස්නාහිර පළාතටද වැසි වාර කිහිපයක් ඇති විය හැක.

ප්‍රධාන නගර සඳහා කාලගුණ අනාවැකිය

අනුරාධපුරයට මඩකළපුවට යාපනයට ත්‍රිකුණාමලයට මන්නාරමට විටින් විට වැසි හෝ ගිගුරුම් සහිත වැසි ඇති වේ.

කොළඹට විටින් විට වැසි ඇති වේ.

ගාල්ලට රත්නපුරයට වැසි වාර කිහිපයක් සහ උදෑසන කාලයේ දී මීදුම සහිත කාලගුණයක් පවතී.

මහනුවරට නුවරඑළියට විටින් විට වැසි සහ උදෑසන කාලයේ දී මීදුම සහිත කාලගුණයක් පවතී.

උෂ්ණත්වය හා වර්ෂාපතනය

අද උපරිම උෂ්ණත්වය සෙල්සියස් අංශක 28.0°C රත්නපුරයෙන් ද අවම උෂ්ණත්වය සෙල්සියස් අංශක 13.0°C නුවරඑළියෙන් ද අපේක්ෂා කෙරේ.

අද උදෑසන 05.30ට වනවිට තුළ ප්‍රධාන කාලගුණ මධ්‍යස්ථානවල වාර්තා වූ වර්ෂාපතනයන් මෙසේය:

මි.මී. 8.6ක වර්ෂාපතනයක් අනුරාධපුරයෙන් ද මි.මී. 23.19 වර්ෂාපතනයක් මඩකළපුවෙන් ද මි.මී. 25.3ක වර්ෂාපතනයක් කොළඹින් ද මි.මී. 20.3ක වර්ෂාපතනයක් කුරුණෑගලින් ද මි.මී. 16.1ක වර්ෂාපතනයක් කටුගස්තොටින් ද මි.මී. 10.2ක වර්ෂාපතනයක් නුවරඑළියෙන් ද මි.මී. 7.6ක වර්ෂාපතනයක් පුත්තලමෙන් ද මි.මී. 12.7ක වර්ෂාපතනයක් රත්මලානෙන් ද මි.මී. 12.4ක වර්ෂාපතනයක් මන්නාරමෙන් ද මි.මී. 5.8ක වර්ෂාපතනයක් වවුනියාවෙන් ද වාර්තා වී තිබේ.

ඊයේ උදෑසන 8.30න් අවසන් වූ පැය 24 සඳහා දිවයිනේ උපරිම උෂ්ණත්වය සෙල්සියස් අංශක 29.5°C ගාල්ල ප්‍රදේශයෙන් ද අවම උෂ්ණත්වය සෙල්සියස් අංශක 14.1°C නුවරඑළියෙන් ද මි.මී. 103.5ක උපරිම වර්ෂාපතනය මඩකළපුව පාසිකුඩා වත්ත ප්‍රදේශයෙන් ද වාර්තා වී තිබේ.