ඒ අනුව මීටර් වෙනස් කිරීම්, කොකු භාවිතාකර විදුලිය ලබාගැනීම් වැනි අයථා විදුලි පරිහරණයන් පිළිබද සිද්ධීන් 317ක් වාර්තා වී ඇති අතර ඒ අතරින් සිද්ධීන් 237 ක් වංචා සහගත ලෙස මීටර් සැකසීම තුළින් විදුලිය ලබාගැනීම් වේ. ඉතිරි සිද්ධීන් 80 කොකු යොදා විදුලිය ලබාගැනීම් ලෙස හදුනාගෙන තිබේ.
මෙලෙස විදුලි මීටර් වෙනස් කිරීම්, කොකු භාවිත කර විදුලිය ලබාගැනීම් වැනි ක්‍රියාවන් හේතුවෙන් ලංකා විදුලිබල මණ්ඩලයට විශාල මූල්‍ය අලාභයක් සිදුවේ. මේ හේතුවෙන් වංචාකාරී පුද්ගලයින් නීතියේ රැහැනට හසුකර දීමට සහයෝගය දක්වන ලෙස ලංකා විදුලිබල මණ්ඩලය මහජනතාවගෙන් ඉල්ලා සිටින අතර එවැනි වංචාකාරි විදුලි පරිහරණයන් පිළිබඳව දුරකතන අංක 2422259 ඔස්සේ ලං.වි.ම. විමර්ශන අංශය දැනුවත් කළ හැකිය.
මෙසේ නීතිය ඉදිරියේ වැරදිකරුවන් බවට පත්වන්නන්ට පමුණුවනු ලබන මූල්‍යමය සහ අනෙකුත් දඬුවම්වලට අමතරව ඔවුන්ගේ විදුලි සබඳතා නැවත ලබාගත නොහැකි අයුරින් විසන්ධි කිරීමටද ලංකා විදුලිබල මණ්ඩලය පියවර ගනු ඇත.
