සංශෝධිත රක්ෂණ ආවරණයට අදාළ රෙගුලාසි ‘‘2014 අංක 1 දරන ශ‍්‍රී ලංකා තැන්පතු රක්ෂණ සහ ද්‍රවශීලතා ආධාරක යෝජනා ක‍්‍රමය පිළිබඳ රෙගුලාසි’’ යන හැඳින්වීම යටතේ 2014 දෙසැම්බර් 02 දරන අංක 1891/11 දරන අති විශේෂ ගැසට් පත‍්‍රය මගින් ප‍්‍රසිද්ධ කර ඇත.
ශ‍්‍රී ලංකා තැන්පතු රක්ෂණ සහ ද්‍රවශීලතා ආධාරක යෝජනා ක‍්‍රමය 2010 ඔක්තෝබර් මස පිහිටුවන ලද්දේ රටේ සමස්ත මූල්‍ය පද්ධතියෙහි ස්ථායීතාව උදෙසා වන අතර, එමගින් මූල්‍ය ආයතන අසාර්ථකවීම් තුළින් අගතියට පත්වන තැන්පතුහිමියන් ආරක්ෂා කිරීමත්, තැන්පතුහිමියන්ගේ විශ්වාසය රඳවා ගැනීම හරහා මූල්‍ය ආයතනවල ස්ථායීතාව ප‍්‍රවර්ධනය කිරීමත් සිදුවේ. මෙය පවත්වාගෙන යාම හා කළමනාකරණය කිරීම ශ‍්‍රී ලංකා මහ බැංකුවේ මුදල් මණ්ඩලය විසින් සිදු කරනු ලැබේ.
