ඉදිරි පැය 24 දී වායුගෝලයේ පවතින කැළඹිලි ස්වභාවයේ බලපෑම නිසා බොහෝ ප්‍රදේශවල අහස වලාකුළින් බරව පවතින අතර විශේෂයෙන් උතුරුමැද, නැගෙනහිර, මධ්‍යම, ඌව සහ දකුණු පළාත්වලත් දිවයින වටා වන මුහුදු ප්‍රදේශවලටත් වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුවේ, ස්වභාවික විපත් පිළිබඳ පූර්ව අනතුරු ඇඟවීමේ මධ්‍යස්ථානය පවසයි.
හෙට පස්වරු 2.00 දක්වා බලපවත්වන පරිදි නිකුත් කර ඇති අනාවැකියට අනුව සමහර ස්ථානවලට මිලී මීටර් 100කට වඩා වැඩි තද වැසි ද අපේක්ෂා කෙරේ.
දිවයින වටා වන මුහුදු ප්‍රදේශවල සුළං වේගය විටින් විට පැ. කි. මී. 50-60 පමණ දක්වා ඉහළ යා හැකි බැවින් එම මුහුදු ප්‍රදේශ විටින් විට රළු විය හැක.
ගිගුරුම් සහිත වැසි ඇති වන විට එම ප්‍රදේශවල තාවකාලිකව පැ.කි.මී. 80 දක්වා තද සුළං ඇති විය හැක. අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
