වතු ආශ්‍රිත දෙමළ මාධ්‍ය පාසල්වලට පාසල් පාදකට ගුරු සහයකයන් බඳවා ගැනීමේ තරග විභාගය - 2014 ලබන 28 දින දිවයින පුරා මධ්‍යස්ථානවලදී පැවැත්වෙන බව විභාග දෙපාර්තමේන්තුව පවසයි.
මේ සඳහා පෙනී සිටීමට නියමිත අයදුම්කරුවන් ගණන 20,000කි.
ශ්‍රී ලංකා ගුරු අධ්‍යාපනඥ සේවයේ 2 වන පන්තියේ II වන ශ්‍රේණියේ නිලධාරීන් සඳහා වන කාර්යක්ෂමතා කඩඉම් විභාගය - 2014 ලබන 27 දින කොළඹ දී පමණක් පැවැත්වීමට නියමිතය.
විගණන පරීක්ෂක සේවයේ II වැනි ශ්‍රේණියේ නිලධාරීන් සඳහා වන කාර්යක්ෂමතා කඩඉම් විභාගය - 2014 දෙසැම්බර් 30 හා 31 දිනයන් හි කොළඹ දී පමණක් පැවැත්වීමට නියමිත බව ද එම දෙපාර්තමේන්තුව වැඩිදුරටත් සඳහන් කළේය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
