උතුරු, උතුරුමැද,නැගෙනහිර, මධ්‍යම, ඌව සහ දකුණු පළාත් වල විටින් විට වැසි හෝ ගිගුරුම් සහිත වැසි ඇති වේ. සමහර ස්ථාන වලට තද වැසි ද (මිලී මීටර් 100ට වැඩි)  ඇතිවීමට ඉඩ ඇත.

විශේෂයෙන් අපරභාගයේදී සහ රාත්‍රී කාලයේදී සෙසු ප්‍රදේශවලටද වැසි හෝ ගිගුරුම් සහිත වැසි ඇති වේ.

ගිගුරුම් සහිත වැසි ඇති වන විට එම ප්‍රදේශ වල තාවකාලිකව තද සුළං ඇති විය හැක. අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.

ප්‍රධාන නගර සඳහා කාලගුණ අනාවැකිය

රත්නපුරයට අපරභාගයේදී සහ රාත්‍රී කාලයේ දී වැසි හෝ ගිගුරුම් සහිත වැසි ඇති වේ.

කොළඹට මහනුවරට නුවරඑළියට විටින් විට වැසි සහ උදෑසන කාලයේ දී මීදුම සහිත කාලගුණයක් පවතී.

ගාල්ලට අනුරාධපුරයට යාපනයට ත්‍රිකුණාමලයට මන්නාරමට මඩකළපුවට විටින් විට වැසි හෝ ගිගුරුම් සහිත වැසි ඇති වේ.

උෂ්ණත්වය හා වර්ෂාපතනය

අද උපරිම උෂ්ණත්වය සෙල්සියස් අංශක 28.0 °C කොළඹ, ගාල්ල, මන්නාරම හා රත්නපුරින් ද අවම උෂ්ණත්වය සෙල්සියස් අංශක 12.0 °C නුවරඑළියෙන් ද අපේක්ෂා කෙරේ.

ඊයේ උදෑසන 8.30න් අවසන් වූ පැය 24 සඳහාදිවයිනේ උපරිම උෂ්ණත්වය සෙල්සියස් අංශක 27.5°C හම්බන්තොට ප්‍රදේශයෙන් ද අවම උෂ්ණත්වය සෙල්සියස් අංශක 13.9 °C නුවරඑළියෙන් ද මි.මී. 139.5ක උපරිමවර්ෂාපතනය මඩකලපුවේ තඹකෙනිප්‍රදේශයෙන් ද වාර්තා වී තිබේ.