අමාත්‍යවරයා මේ බව පැවසුවේ අද (23) රජයේ ප්‍රවෘත්ති දෙපාර්තමේන්තු ශ්‍රවණාගාරයේ පැවති මාද්‍ය දැනුවත් කිරීමකට එක්වෙමිනි.
යුද්ධය නිසා විනාශ වූ යාපනයේ නැවත ගොඩනැංවීමේ කටයුතු සඳහා මෙවර අය-වැයෙන් අනෙකුත් පළාත් සභාවලට වැඩි මුදලක් උතුරු පළාත් සභාව සඳහා ලබා දුන් බව පැවසූ අමාත්‍යවරයා ගියවර වෙන් කරන ලද මුදලින් 50%ක්වත් සංවර්ධන කටයුතු වෙනුවෙන් වැය කර නැති බව ද සඳහන් කළේය.
උතුරේ සංවර්ධනය වෙනුවෙන් වෙන් කළ මුදලින් 50%කටත් වැඩි මුදලක් ආපසු මහා භාණ්ඩාගාරයට යන තත්ත්වයක් තියෙන්නේ. රජය කරන සංවර්ධන වැඩ සියල්ල කරන්නේ ජනතා යහපත උදෙසායි. සියලු ම ජාතීන් අතර සමඟිය, අවබෝධය, සංහිඳියාව තිබිය යුතුයි. ටී.එන්.ඒ එකෙහි දේශපාලන පැවැත්ම ඇත්තේ ගැටුම් ඇති තුරායි. එය ඔවුන්ගේ ප්‍රතිපත්තියයි. ජනතා අවශ්‍යතා හඳුනාගෙන ප්‍රදේශයේ අවශ්‍යතා හඳුනාගෙන කටයුතු කරන බවත් විශිෂ්ට අන්දමේ සංවර්ධනයක් යාපනයේ හැම අතින්ම සිදු වී ඇති බවත් අමාත්‍යවරයා සඳහන් කළේය.
NDH
