රාජ්‍ය වැටුප්, දීමනා හා විශ්‍රාම වැටුප් හා දීමනා යනාදී වශයෙන් රාජ්‍ය සේවකයාට හා විශ්‍රාමික රාජ්‍ය සේවකයාට රජය මඟින් 80%ක් පමණ සහන ලබා දී ඇති බව ජාතික වැටුප් කොමිෂන් සභාවේ සම සභාපති නෙවිල් පියදිගම මහතා පැවසීය.
ඒ මහතා මේ බව පැවසුවේ අද (22) පස්වරුවේ පදනම් ආයතනයේ පැවති මාධ්‍ය හමුවකට එක්වෙමිනි.
ජාතික වැටුප් කොමිසම පත් කර වසරක් ගත වී ඇත. එහි ප්‍රධාන කාර්යයයේදී සිදු කරන ලද්දේ රාජ්‍ය සේවකයා වෙනුවෙන් නියෝජනයන් කැඳවීමයි. ඒ අනුව වෘත්තීය සමිති, දෙපාර්තමේන්තු, අමාත්‍යාංශ හා විවිධ පුද්ගලයන් අදහස් හා යෝජනා ලබා ගත්තා. ඒ යෝජනා අනුව මෙවර අයවැයේදී වැටුප් සංශෝධනය කිරීමට පියවර ගත් බවත් මුළු රාජ්‍ය සේවය වෙනුවෙන් ම වැටුප් වැඩිවීමක් සිදු වන බවත් ඒ මහතා සඳහන් කළේය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
