ඒ අනුව දැනටමත් ව්‍යාපාර කටයුතු පුළුල්ව සහ ස්ථාවරව ආයතනය මඟින් කරගෙන යෑමේ අරමුණින් නව අධ්‍යක්ෂ මණ්ඩලයක් පත් කර ඇති අතර නව ව්‍යාපාර ආකෘතියක් ආයතනය විසින් ක්‍රියාවට නංවා ඇත. ඒ සමඟ ම ආයතනය විසින් ක්‍රියාත්මක කෙරෙන මෙම නව ව්‍යාපාර ආකෘතියට අනුව ආයතනයේ ද්‍රවශීලතා අවශ්‍යතාවන් සපුරා ගැනීම සඳහා ශ්‍රී ලංකා තැන්පතු රක්ෂණ සහ ද්‍රවශීලතා ආධාර යෝජනා ක්‍රමය යටතේ දීර්ඝකාලීන ණය පහසුකමක් ලබාදීමට මුදල් මණ්ඩලය විසින් තීරණය කරන ලදී.
ඒ සම්බන්ධයෙන් ද්‍රවශිලතා ආධාර ණය පහසුකමට අදාළ ගිවිසුම 2014 දෙසැම්බර් 15 වන දින ද ෆිනෑන්ස් කම්පැනි පී.එල්.සී. ආයතනයේ සභාපති ආචාර්ය එස්.එච්.ඒ.එම්. අබේරත්න මහතා සහ කළමනාකාර අධ්‍යක්ෂ ඒ.පී. ලේකම්ගේ මහතා, ශ්‍රී ලංකා මහ බැංකුව සමඟ අත්සන් කරන ලදී. එහි ප්‍රතිඵලයක් ලෙස, ආයතනය ස්ථාවර, තිරසාර සහ ලාභදායී තත්ත්වයකට පත් කිරීම තුළින් අනාගතයේ උචිත කොටස් නිකුතුවක් හරහා නව හිමිකම් ප්‍රාග්ධනය ආකර්ෂණය කර ගැනීමට හැකි වනු ඇතැයි අපේක්ෂා කෙරේ.
ද ෆිනෑන්ස් කම්පැනි පී.එල්.සී. ආයතනයේ නව අධ්‍යක්ෂ මණ්ඩලය වන්නේ, සභාපති - ආචාර්ය එස්.එච්.ඒ.එම්. අබේරත්න, උප සභාපති/විධායක නොවන අධ්‍යක්ෂ - සුජීව රාජපක්ෂ, කළමනාකාර අධ්‍යක්ෂ - අරුණ පී. ලේකම්ගේ, විධායක අධ්‍යක්ෂවරුන් ලෙස ටී.බී. ඒකනායක, ආර්.ඩී. අබේවික්‍රම, විධායක නොවන අධ්‍යක්ෂවරුන් ලෙස ආචාර්ය රොහාන්ත අතුකෝරාළ හා හිමාලි කුලරත්න යන මහත්ම මහත්මීහු වෙති.
NDH
