ශ්‍රී ලංකා නිදහස් මාධ්‍ය සංසදයේ මෙහෙයවීමෙන් ‘වත්මන් අවධියේ රට මුහුණ දෙන අභියෝග‘ යන තේමාව යටතේ වැඩමුළුවක් වයඹ පළාත් ආණ්ඩුකාර නීතිඥ තිස්ස ආර්. බලල්ල මහතාගේ සහ වයඹ ප්‍රධාන අමාත්‍ය නීතිඥ දයාසිරි ජයසේකර මහතාගේ ප්‍රධානත්වයෙන් අද (16) පෙ.ව. 9. 00ට වයඹ පළාත් සභා ලිච්ඡවී ශාලාවේ දී පැවැත්වේ.
ජනාධිපති සම්බන්ධීකරණ ලේකම් වංශනාථ විජේසිංහ මහතා විසින් මෙම වැඩමුළුවේ අරමුණු පැහැදිලි කිරීමට නියමිත අතර ප්‍රධාන දේශනය ‘වත්මන් අවධියේ රට මුහුණදෙන අභියෝග හා ජනමාධ්‍ය‘ මැයෙන් ජනාධිපති මාධ්‍ය ප්‍රකාශක මොහාන් සමරනායක මහතා විසින් සිදු කිරීමට සැලසුම් කර ඇත.
‘ජනාධිපති මැතිවරණයේ නීතිමය පසුබිම‘ යන මාතෘකාව මුල් කරගනිමින් හිටපු මහාධිකරණ විනිසුරු සී.වී. රාජපක්ෂ මහතා ද එහි දී දේශනය පැවැත්වීමට නියමිතය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
