ප්‍රධාන අමාත්‍යවරයා මේ බව ප්‍රකාශ කළේ අද (15) ශ්‍රී ලංකා නිදහස් පක්ෂ මූලස්ථානයේ පැවැති ප්‍රවෘත්ති සාකච්ඡාවකට සහභාගි වෙමිනි.
ඌව පළාත් සභාව කල් තැබීමට තීරණය කළේ සාම්ප්‍රදායික ව සිදු කරන ක්‍රියාවලියක් අනුව බවට මෙහිදී කරුණු පැහැදිලි කළ ප්‍රධාන අමාත්‍යවරයා එය සිදු කරනු ලැබූවේ පක්ෂ නායකයන්ගේ තීරණයට අනුව බවත් එම කමිටුවට තමන් අයත් නොවන බවත් පෙන්වා දුන්නේය.
"ඌව පළාත් සභාවේ එක්සත් ජනතා නිදහස් සන්ධානය නියෝජනය කරන මන්ත්‍රීවරුන් ප්‍රතිපත්තියක් ඇති ව ජනතාව අතරට ගිය පුද්ගලයන්. ඔවුන් එහාට මෙහාට යන්නේ නෑ. ගියත් යන්නේ නිවැරදි පැත්ත වන ජනතාවට සේවය කළ හැකි පැත්තටයි".
ඌව පළාත් සභාවේ විපක්ෂ නායකවරයා ඇතුළු සෙසු මන්ත්‍රීවරුන්ට පවතින රජය සමඟ එකතු වී ජනතාවට වැඩ කිරීමට එකතු වන්න යැයි තමන් විවෘත ව ආරාධනා කරන බවත් පෙන්වා දුන්නේය.
DB
