ගුවන් යානය රේඩාර් පද්ධතියෙන් අතුරුදහන් වීමට මොහොතකට පෙර රත්මලාන ප්‍රදේශය ආශ්‍රිතව ගුවන් මගේ දර්ශනපථය අපැහැදිලි බව ප්‍රධාන නියමුවා මෙහෙයුම් මැඳිරිය වෙත දන්වා ඇති බවද ඒ මහතා ප්‍රකාශ කළේය.
මෙහි ගමන් කළ ගුවන් නියමුවන් දෙදෙනෙකු සහ ගුවන් භටයින් දෙදෙනෙක් ජීවිතක්ෂයට පත්වී තිබේ. මෙසේ ජිවිතක්ෂයට පත්ව ඇත්තේ ප්‍රධාන ගුවන් නියමු ස්කොඩ්රන් ලීඩර් ජේ.එම්.ඩබ්.එන්. අබේවර්ධන, සහායක නියමු පියාසර ලුතිතන් ඒ.ඒ.ඩී.ටී. අමරතුංග, බලපන්ති සැරයන් එම්.ඩබ්.එල්. ප්‍රියන්ත හා කෝප්‍රල් ඩබ්.ඩබ්.ඒ.එන්. විජේරත්න යන අයයි.
ප්‍රධාන ගුවන් භට ජී.කේ.එන්. චතුරංග අනතුරින් තුවාල ලබා මේ වන විට කොළඹ ජාතික රෝහලේ ප්‍රතිකාර ලබමින් සිටියි.
ගුවන් යානා අනතුර පිළිබඳව පරීක්ෂණ පැවැත්වීම සඳහා ගුවන් හමුදාපතිතුමන් විසින් ජ්‍යෙෂ්ඨ නිලධාරීන්ගෙන් සමන්විත කමිටුවක් පත් කර ඇති අතර මෙහි පරීක්ෂණ සඳහා අනතුරට පත් වූ යානයේ සියලු කොටස් අවශ්‍ය වන බැවින් එම කොටස් ලබා ගැනීම සඳහා සම්පූර්ණ සහයෝගය ලබා දෙන ලෙස ශ්‍රී ලංකා ගුවන් හමුදාව ඒ අවට සිටින මහජනයාගෙන් ඉල්ලා සිටියි.
MAP
