දැයට කිරුළ ජාතික ප‍්‍රදර්ශනය 2015 පෙබරවාරි 04 සිට 10 දින දක්වා මාතර සරසවි පෙදෙසේ හා කඹුරුගමුවේදී පැවැත්වෙන බව විදුලි සංදේශ හා තොරතුරු තාක්ෂණ අමාත්‍ය හා දැයට කිරුළ සංවර්ධන ප‍්‍රදර්ශන කමිටු සභාපති රංජිත් සියඹලාපිටිය මහතා පවසයි.
අමාත්‍යවරයා අද (12) මාතර දිස්ති‍්‍රක් ලේකම් කාර්යාලයේ පැවැති ප‍්‍රගති සමාලෝචන රැස්වීමේ දී මේ බව පැවසීය.
එහිදී අදහස් දක්වමින් අමාත්‍යවරයා පැවසුවේ දැයට කිරුළට සමගාමී ව මාතර, හම්බන්තොට, ගාල්ල සහ රත්නපුර දිස්ති‍්‍රක්ක සංවර්ධන වැඩසටහන් රැසක් කි‍්‍රයාත්මක කරන බවයි.
මෙවර දැයට කිරුළ ප‍්‍රදර්ශනයට සමගාමීව සමාජ සේවා රැසක් ද කි‍්‍රයාත්මක කිරීමට නියමිත බව ද විදුලි සංදේශ හා තොරතුරු තාක්ෂණ අමාත්‍ය හා දැයට කිරුළ සංවර්ධන ප‍්‍රදර්ශන කමිටු සභාපති රංජිත් සියඹලාපිටිය මහතා වැඩිදුරටත් පැවසීය.
NDH/priu
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
