ඒ මහතා මේ බව පැවසුවේ ඊයේ (11) පස්වරුවේ රජයේ ප්‍රවෘත්ති දෙපාර්තමේන්තු ශ්‍රවණාගාරයේ පැවති මාධ්‍ය හමුවකට එක්වෙමිනි.
යමෙකුට මානව හිමිකම් නිර්දේශ ලබා දී ඇත්නම් මේ චක්‍රලේඛය අනුව අනිවාර්යෙන් ම ක්‍රියාත්මක කළ යුතුයි. සෑම අමාත්‍යාංශයකට ම මෙය පොදු වන අතර නිර්දේශ ක්‍රියාත්මක කළේ නැත්නම් ඊට එරෙහි ව නැවත මානව හිමිකම් කොමිෂන් සභාව ඉදිරියට යා හැකියි. මානව හිමිකම්වල වටිනාකම ලේකම්වරුන්ට දැනුම් දී ඇත. අදාළ ප්‍රධානීන් ක්‍රියාත්මක වන්නේ නැත්නම් නීති මඟින් කටයුතු කළ හැකි බවත් ලේකම්වරුන් සියල්ල චක්‍රලේඛය හා බැඳීසිටින බව ද ඔහු අවධාරණය කළේය.
වැඩිදුරටත්අදහස් දැක්වූ ඒ මහතා, පොලිස් වදය මේ වන විට ක්‍රමක්‍රමයෙන් අඩු වී ඇති බවත් ඒ සඳහා හේතු වී ඇත්තේ පොලිසියේ දැනුවත්භාවය බවත්ය. පොලිස් වද හිංසාව ගැන පනතක් ඇත. ඊට අදාළ සම්මුතියට අත්සන් කර ඇති නිසාත් 90%ක් ම ප්‍රශ්න විසඳෙන නිසාත් පොලිස් වදය අඩු වී ඇතැයි ඔහු කීය.
NDH
