අද (12) උදෑසන හෝකන්දර ප්‍රදේශයට කඩා වැටුණු ඇන්ටනොව් ගුවන් යානයේ ගමන් කළ සිව් දෙනෙකු එම අනතුරින් මිය ගොස් ඇති බව පොලිස් මාධ්‍ය ප්‍රකාශක ජ්‍යේෂ්ඨ පොලිස් අධිකාරි අජිත් රෝහණ මහතා රජයේ නිල පුවත් වෙබ් අඩවියට පැවසීය.
ගුවන් හමුදාවට අයත් HCN 864 ඇන්ටනොව් ගුවන් යානයේ පස් දෙනෙකු ගමන් කර ඇති අතර බරපතළ තුවාල ලද එක් අයෙකු මේ වනවිට රෝහල් ගත කර ඇති බව ද ඔහු වැඩිදුරටත් පැවසීය.
ගුවන් යානය කටුනායක සිට රත්මලාන ගුවන් තොටුපළ දක්වා ගමන් කරමින් තිබිය දී අනතුරට පත් ව තිබේ.
ශ්‍රී ජයවර්ධනපුර රෝහලට ඇතුළත් කර ඇති යානයේ සිට බේරාගත් තැනැත්තා මේ වනවිට කොළඹ ජාතික රෝහල මාරු කර යවා ඇති බව ද වාර්තා වේ.
HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
