ජනපතිවරණයට භාවිත කර ඇති කටවුට් ඉවත් කිරීම සඳහා කම්කරුවන් 2001 දෙනෙකු තාවකාලිකව බඳවා ගන්න කටයුතු යොදා ඇති බවත් ඒ සඳහා මැතිවරණ කොමසාරිස්ගේ අනුමැතිය ලැබී ඇති බවත් පොලිස් මාධ්‍ය ප්‍රකාශක, ජ්‍යේෂ්ඨ පොලිස් අධිකාරී අජිත් රෝහණ මහතා පැවසීය.
පොලිස් මාධ්‍ය ප්‍රකාශකවරයා මෙසේ පැවසුවේ අද (11) රජයේ ප්‍රවෘත්ති දෙපාර්තමේන්තු ශ්‍රවණාගාරයේ පැවති මාධ්‍ය හමුවකට එක්වෙමිනි.
මේ දින 02 ඇතුළත කටවුට්වලින් 80%ක් ගලවා අවසන් ව තිබේ. ඉදිරි කාලයේදී ඒ සියල්ල ම ගලවා අවසන් කරන බවත් ඒ සඳහා රුපියල් මිලියන 50ක් මැතිවරණ කොමසාරිස්වරයා මේ වන විට නිකුත් කළ බවත් ඔහු වැඩිදුරටත් සඳහන් කළේය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
