රටවල් කිහිපයකින් පැමිණි පාසල් හා විශ්වවිද්‍යාල ශිෂ්‍යභට කණ්ඩායම්වල ප්‍රධානීහු ජාතික ශිෂ්‍යභට බලකායේ අධ්යක්ෂ ජනරාල් මේජර් ජනරාල් එච්.එම්.එච්.ඒ. හේරත් මහතා සමඟ ඊයේ (13) නාවික හමුදා මුලස්ථානයේ සංචාරයක නිරත වූහ.
නාවික හමුදාපතිවරයා වෙනුවෙන් එම නියෝජිත කණ්ඩායම පිළිගත් ශ්‍රී ලංකා නාවික හමුදාවේ මාණ්ඩලික ප්‍රධානී රියර් අද්මිරාල් රවීන්ද්‍ර විජේගුණරත්න මහතා ඔවුන් හා සාකච්ඡා කළේය.
ශ්‍රී ලංකා නාවික හමුදාවේ ක්‍රියාකාරකම් පිළිබඳ ඔවුනට සාමාන්‍ය අවබෝධයක් ලබාදීම සඳහා හා යටගියාව, භූමිකාව හා නාවික මෙහෙයුම් කටයුතු පිළිබඳ ඉදිරිපත් කිරීමක් ද නාවික මෙහෙයුම් නියෝජ්‍ය අධ්යක්ෂ කපිතාන් ප්‍රසන්න මහවිතාන මහතා විසින් සිදු කරන ලදී.
නාවික හමුදාවේ ජ්‍යේෂ්ඨ නිලධාරීන් කිහිප දෙනෙක් ද මෙම අවස්ථාවට එක්වූහ.
DB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
