මෙම රැකියා අවස්ථා සඳහා ඇ.ඩෝ. 1,500 කට වැඩි වැටුප් හිමිවෙන බව ද මේ වනවිටත් විශාල පිරිසක් පූර්ව පරීක්ෂණ සඳහා පැමිණෙමින් සිටින බවත් ශ්‍රි ලංකා විදේශ සේවා නියුක්ති කාර්යාංශය වැඩ්දුරටත් පවසයි.

ඒ අනුව වයස අවුරුදු 25-44 අතර ඉදිකිරීම් ක්ෂේත්‍රයේ ෂටරින් කාපෙන්ටර්, ටයිල් අතුරන්නන්, කම්බි බඳින්නන් හා කපරාදුකරුවන්ට යන රැකියාවන්ට අදාළ පළපුරුද්ද සහිත පිරිමි ශ්‍රමිකයින්ට මෙම පරීක්ෂණයන් සඳහා සෘජුවම පෙනී සිටීමට අවස්ථාව උදාවී තිබේ. මෙම රැකියාවන්ට අදාළ පූර්ව පරීක්ෂණ අගෝස්තු 15 බ්‍රහස්පතින්දා දක්වා පෙරවරු 8.00 සිට මොරටුව, කටුබැද්ද NAITA ආයතනයේ දී පැවැත්වේ.

පූර්ව පරීක්ෂණ සඳහා පෙනී සිටීමට රු.6,000.00ක මුදලක් අයකරනු ලබන අතර, මේ සඳහා පෙනී සිටීමට බලාපොරොත්තු වන අයදුම්කරුවන් තමන් යොමුවීමට බලාපොරොත්තු වන රැකියාවට අවශ්‍යවන මෙවලම් හා උපකරණ මෙන්ම විදේශ ගමන් බලපත්‍රය ද රැගෙන පැමිණිය යුතුවේ.